Fréttir

Tesla innkallar bíla í Bandaríkjunum vegna galla í öryggisbeltum og bremsum

Bandaríski bílaframleiðandinn Tesla hefur gripið til þess ráðs að innkalla þúsundir bifreiða vegna galla sem fram komu sem lúta að öryggisþáttum. Umræddir gallar einskorðast eingöngu við bíla fyrirtækisins á bandarískum markaði.

Malbikun í Kömbunum frestað

Hætt hef­ur verið við fram­kvæmd­ir í Kömb­um í dag vegna veðurs. Til stóð að mal­bika ak­rein­ar í báðar átt­ir neðst í Kömb­um en nú hefur verið horfið frá því vegna óhagstæðrar veðurskilyrða.

Rúmlega helmingur myndi aldrei eða sjaldan nota Borgarlínu

Í nýrri viðhorfskönnun MMR, Markaðs og miðlarannsóknir ehf, meðal íbúa höfuðborgarsvæðisins um samgöngumál á höfuðborgarsvæðinu sem unnin var fyrir áhugahópinn Samgöngur fyrir alla (ÁS) kemur fram að 51% svarenda taldi að umbætur á stofnbrautakerfinu væru líklegri til að draga úr umferðartöfum. Hins vegar töldu 33% að Borgarlína væri líklegri til þess.

Opnun fjallvega ræðst af veðurfari og snjóalögum

Samráðshópur Vegagerðarinnar, Lögreglunnar, Umhverfisstofnunar og Vatnajökulsþjóðgarðs hélt árlegan vorfund sinn nú í vikunni. Fyrrgreindar stofnanir eiga með sér gott samstarf, þar sem þungamiðjan er náttúruvernd, aðgengi, verndun innviða, öryggi vegfarenda og ábyrg ferðahegðun á hálendi Íslands.

Tímamót í miðlun upplýsinga um samgöngur

Vegvísir.is er nýr gagnvirkur upplýsingavefur samgöngu- og sveitarstjórnarráðuneytis. Vefnum er ætlað að vera leiðarvísir almennings að lykilupplýsingum um samgöngur, fjarskipti og byggðamál. Vegvísir markar tímamót með nýstárlegri framsetningu á opinberum gögnum, en þar verður hægt að fylgjast með fjármögnun, framvindu og árangri í yfir 500 verkefnum og stöðu 60 árangursmælikvarða.

Sama þróun í bílasölu í Noregi og á Íslandi

Sama þróun í nýskráningum fólksbíla er að eiga sér stað í Noregi og á Íslandi þegar tölur fyrstu fimm mánuði ársins eru skoðaðar. Í Noregi voru 82% allra nýrra bíla í maí endurhlaðanlegir. Aukningin í nýskráningum miðað við sömu mánuði í fyrra nemur um 33%.

Askja innkallar 122 Mercedes-Benz Sprinter bifreiðar

Neytendastofu hefur borist tilkynning frá Bílaumboðinu Öskju ehf um að innkalla þurfi 122 Mercedes-Benz Sprinter bifreiðar. Ástæða innköllunarinnar er að möguleiki er á að skinna losni sem tengist bremsupedala. Komið það fyrir munu bremsuljósin loga stöðugt.

Nýskráningar 4.208 á fyrstu fimm mánuðum ársins

Nýskráningar fólksbifreiða fyrstu fimm mánuði ársins eru orðnar alls 4.208. Yfir sama tímabil í fyrra voru þær 3.369 þannig að aukningin er um 24,9%. Mikill samdráttur var í bílasölu í fyrra og átti heimsfaraldurinn þar stærstan þátt. Nú virðist bílasala vera að mjakast hægt og bítandi upp á við að því fram kemur í tölum frá Bílgreinasambandinu.

Vinna að bættu aðgengi fyrir sænska rafbílaeigendur

Sett hefur verið á laggirnar nefnd sem sænska orkustofnunin stýrir til vinna að lausnum sem hefur það að markmiði að bæta aðgengi fyrir rafbílaeigendur þar í landi. Ljóst er að aðgengi til hleðslu í fjölbýlishúsum er skammt á veg komið. Fyrir þá sem eiga þess ekki kost að hlaða bílinn heima eða í vinnunni draga kannski á langinn að ráðast í kaup á rafbíl.

Rúmir 23 milljarðar til nýframkvæmda - 12 milljarðar í viðhald

Þær framkvæmdir sem Vegagerðin boðar á árinu 2021 munu kosta ríflega 35 milljarða króna, þar af eru 23,4 milljarðar ætlaðir til nýframkvæmda og um 12 milljarðar til viðhalds. Þetta var tilkynnt á útboðsþingi sem haldið var á dögunum. Þar kynntu ellefu fulltrúar opinberra aðila fyrirhugaðar verklegar framkvæmdir á árinu fyrir um 139 milljarða króna.