Fréttir

Það er mikill munur í nýskráningum fólksbifreiða í Norðurlöndunum en fram til þessa hafa Norðmenn verið á nokkuð afgerandi í þessum efnum. Í Danmörku hefur sala rafbíla verið á uppleið og í maí var hlutfall rafbíla í nýskráningum í landinu 61%. Það eru aðeins fjögur ár síðan hlutfallið í Noregi fór yfir þetta stig – árið 2021.

Brot 56 ökumanna voru mynduð á Suðurlandsvegi sl. þriðjudag Fylgst var með ökutækjum sem var ekið Suðurlandsveg í austurátt, á Sandskeiði.

Miðvikudaginn 18. júní hefjast framkvæmdir á Bæjarhálsi en um er að ræða fyrsta áfanga endurbóta á fimm gatnamótum við Höfðabakka. Framkvæmdirnar miða að því að bæta öryggi og flæði fyrir bæði akandi og gangandi vegfarendur.

Florian Wirtz kemur frá þýskalandi og er einn heitasti fótboltamaðurinn í dag. Hann átti fjögur góð tímabil með þýska liðinu Bayer Leverkusen, þar á meðal vann titil með þeim, en var á dögunum keyptur af Liverpool fyrir 150 milljónir evra.

Runólfur Ólafsson, framkvæmdastjóri Félags íslenskra bifreiðaeigenda, segir næstu skref eftir niðurstöðu Neytendastofu um slæma viðskiptahætti fjögurra bílastæðafyrirtækja vera að tryggja að fyrirtækin fylgi henni. Neytendastofa hafi ekki lokið sínu verkefni og víða sé pottur brotinn. Þetta kemur fram í viðtali við Runólf í Morgunblaðinu í dag.

Bíladagar hefjast í dag ,fimmtudaginn 12. júní, og standa yfir til 17. júní þegar þeim lýkur með bílasýningu Bílaklúbbs Akureyrar í Boganum. Dagskráin er með hefðbundnum hætti þar sem keppt verður í ýmsum greinum, boðið upp á bílasýningar og fleira fyrir áhugafólk um bíla og akstursíþróttir. Helgin er ein af þeim stærri á árinu hjá lögreglunni á Akureyri.

Umferðin á höfuðborgarsvæðinu í maí jókst um 2,4 prósent og nú er útlit fyrir að umferðin um lykilmælisniðin þrjú aukist um 3,5 prósent í ár. Þannig að þrátt fyrir samdrátt í apríl og óbreytta umferð í ferbrúar er nú útlit fyrir áframhaldandi stöðuga aukningu umferðar, rétt eins og á Hringveginum. Þetta kemur fram í tölum frá Vegagerðinni.

BL kynnti á dögunum svakalegan og glæsilegan tengiltvinn sportbíl, sem kallast BMW M5 G90. M5 hefur verið flaggskip M deildar þýska lúxusbílaframleiðandans síðan á níunda áratugnum.

Næstum allir nýir fólksbílar sem seldir eru í Noregi í dag eru rafknúnir. Samt eru enn aðeins um 30 prósent af fólksbílaflotanum rafknúin. Flestir aka því enn um á bíl með dísil- eða bensínvél, eða einhvers konar tvinnbíl.

Neytendastofa hefur haft til skoðunar upplýsingagjöf og viðskiptahætti fyrirtækja sem sinna bílastæðaþjónustu í tengslum við gjaldskyld bílastæði. Stofnunin hefur nú lokið ákvörðun gagnvart fjórum fyrirtækjum þar sem upplýsingagjöf og viðskiptahættir eru ekki í samræmi við lög.