Fréttir

Neytendastofu hefur borist tilkynning frá BL ehf um að innkalla þurfi Subaru Legacy og Outback bifreiðar af árgerðunum 2018. Um er að ræða 37 bifreiðar.

Meira en helmingur allra bíla er með of lítinn, mikinn eða mismikinn loftþrýsting í dekkjum samkvæmt nýrri könnun sem VÍS gerði á ástandi dekkja um 100 tjónabíla hjá sér. Þetta verður að teljast áhyggjuefni því loftþrýstingur hefur áhrif á stöðugleika, hemlunarvegalengd og þar af leiðandi almennt öryggi ökutækja.

Nú fara framkvæmdir að hefjast við tvöföldun Reykjanesbrautar (41) frá Kaldárselsvegi vestur fyrir Krýsuvíkurgatnamót. Á opnum íbúafundi um tvöföldun brautarinnar, 13. mars nk., verður farið yfir framkvæmdir á svæðinu lið fyrir lið en framkvæmdirnar munu hafa áhrif á umferð og annað á svæðinu á meðan þær standa yfir. Fundurinn verður haldinn í Hafnarborg kl. 17:30 - 18:30

Verulega hefur dregið úr sölu á nýjum bílum fyrstu tvo mánuði ársins. Ef salan er borin saman við fyrstu tvo mánuði ársins 2018 nemur samdrátturinn rúmlega 40%. Nýskráðir fólksbílar fyrstu tvo mánuði þessa árs voru 1.647 en voru 2.782 á sama tímabili í fyrra.

Umferðin á höfuðborgarsvæðinu í febrúar jókst um ríflega sjö prósent sem er mikil aukning í febrúar og mun meiri aukning en að jafnaði í þessum mánuði. Hluti skýringar á mikilli aukningu gæti verið að fyrir ári var mjög lítil aukning í umferðinni í febrúar. Frá áramótum hefur umferðin aukist um 4,3 prósent á höfuðborgarsvæðinu. Þetta kemur fram í tölum frá Vegagerðinni.

Tveir rafmagnsbílar eru ónýir eftir að eldur kom upp í þeim á athafnasvæði Samskipa í gærkvöldi. Þegar slökkvilið höfuðborgarsvæðisins kom á staðin var annar bíllinn alelda en eldur hafði læst sig í bíl við hliðina. Báðir bílarnir voru í hleðslu þegar eldurinn kom upp. Um tíma var hætta á að eldurinn bærist í þriðja bílinn og smáhýsi en slökkviliðinu tókst að afstýra því.

Rafknúni sportjeppinn Jaguar I-Pace hefur verið kjörinn „Bíll ársins í Evrópu 2019“. Tilkynnt var um niðurstöðu 60 manna dómnefndar evrópskra blaðamanna frá 23 löndum við upphaf bílasýningarinnar í Genf sem nú stendur yfir. Alls hefur I-Pace unnið 55 alþjóðaverðlaun frá því að Jaguar kynnti bílinn fyrir aðeins einu ári síðan.

Borið hefur á innbrotum í bíla víða á höfuðborgarsvæðinu á næturnar að undanförnu. Bílum í langflestum tilfella hafi verið læst kvöldinu áður en það virðist ekki hafa stöðvað innbrotsþjófana við iðju sína. Þjófarnir ollu ekki miklum skemmdum en ljóst er að markmiðið eitt með þessum innbrotum sé að komast yfir verðmæti.

Styrkur svifryks var hár á höfuðborgarsvæðinu í gær og er varað hefur verið við svifryki næstu daga. Hjá Hreinsitækni fengust þær upplýsingar að stofnbrautir í gegnum borgina hefðu verið sópaðar fyrir Vegagerðinni síðustu daga. Má þar nefna Miklubraut, Kringlumýrarbraut og Reykjanesbraut. Síðan kólnaði nokkuð í veðri sem kom í veg fyrir að verkið klárist að fullu. Rykbinding er hafin á helstu stofnbrautum og verður framhaldið í nótt.

Ákvörðun sem felur í sér nýja skatt­heimtu upp á allt að 60.000 millj­ónir króna þarf því að vanda gríð­ar­lega. Hún á ekki að fá flýti­með­ferð. Hver er t.d. vilji Íslend­inga í þessu máli? Væri ekki vert að skoða það? Á að leyfa fólki að kjósa um þetta og hvaða rök mæla með því, eða á móti? Flýtum okkur hægt í þessum efnum - rétt eins og í umferð­inni. Þetta er þess sem meðal annars kemur fram í aðsendri grein um fyrirhuguð Veggjöld sem Gunnar Hólmsteinn Ársælsson, MA í stjórnmálafræði, skrifar og birtist í Kjarnanum um helgina.