Fréttir

Rafbílaframleiðandinn Tesla er að innkalla 1,1 milljón bíla í Kína vegna bilunar í hemlakerfi, skrifar bandaríski fjölmiðillinn Bloomberg með vísan til kínverska markaðseftirlitsins. Þetta samsvarar nánast öllum Tesla bílum sem seldir eru í Kína, skrifar Bloomberg.

Fyrir tveim vikum var algengt verð á bensínlítra í Danmörku 14,69 DKK sem gerir um 286,50 íslenskar krónur. Algengt verð á lítra á þjónustustöð í Svíþjóð var þá ríflega 21 SEK sem gerir um 262 íslenskar krónur. Á þessum tímapunkti kostaði bensínlítri á þjónustustöð hjá N1 329,90 krónur og 325,70 krónur hjá Orkunni.

Runólfur Ólafsson, framkvæmdastjóri Félags íslenskra bifreiðaeigenda, FÍB, segist fagna áformum fjármálaráðherra um kílómetragjald rafmagns- og vetnisbíla en að þau hefðu mátt vera betur útfærð. Þá segist hann hafa áhyggjur af því að gjaldið gæti komið niður á áhuga landsmanna á rafmagnsbílum. Þetta kom fram í viðtali við Runólf á vísi.is

Umferðin í nýliðnum september á Hringveginum reyndist nærri fjórum prósentum meiri en í september fyrir ári síðan. Umferðin eykst mest á Suðurlandi. Búast má við að umferðin í ár aukist um sjö prósent sem er töluvert mikil aukning á einu ári að því er fram kemur í tölum frá Vegagerðinni.

Í tilkynningu sem birtist á vef Stjórnarráðsins í dag kemur fram að eig­end­ur raf­magns-, vetn­is- og ten­gilt­vinn­bíla munu þurfa að greiða kíló­metra­gjald árið 2024. Er það um ári fyrr en eig­end­ur dísel- og bens­ín­bíla sem verða rukkaðir um gjaldið í árs­byrj­un 2025. Kíló­metra­gjaldið sé hluti af nýju kerfi, og muni það leysa af hólmi sér­stakt gjald á bens­ín og olíu sem nú sé í gildi.

Suður-kóresku bílaframleiðendurnir Hyundai og Kia hafa innkallað tæplega 3,4 milljónir bíla í Bandaríkjunum vegna eldhættu. Fyrirtækin hafa hvatt eigendur bílanna að nota þá ekki fyrr en innköllunarviðgerð er lokið.

Framkvæmdir vegna nýrra strætóstöðva við Hafnarfjarðaveg / Kringlumýrarbraut standa yfir. Þrengja hefur þurft veginn austan megin, á leiðinni til Reykjavíkur, til að tryggja öryggi vegfarenda og starfsfólks. Vegfarendur sem þarna fara um hafa tekið eftir þvi að framkvæmdir hafa dregist á langinn og valdið töfum því samfara. En hvað veldur þessari seinkun á verklokum?

Breytingar á gjaldskyldu og gjaldskrá bílastæða Reykjavíkurborgar tóku gildi nú um mánaðamótin. Unnið var að því um helgina að breyta tæplega 300 skiltum í borginni. Tillaga þessa efnis var samþykkt í um­hverf­is- og skipu­lags­ráði í lok júní sumar.

Tölur sýna að nýskráningar fólksbifreiða fyrstu níu ársins er 5,4% meiri en hún var á sama tíma í fyrra. Alls eru nýskráningar orðnar 13.838 en voru í fyrra 13.127 fyrstu níu mánuði ársins. Bílar til almennra notkunar eru alls 7.076 sem er um 51,1% hlutdeild. Bifreiðar til ökutækjaleiga eru 6.674 sem er um 48,2% hlutdeild að því er fram kemur í tölum frá Bílgreinasambandinu.

Kynningarfundir á vegum Vegagerðarinnar og Reykjavíkurborgar verða haldnir í októberbyrjun um matsáætlun vegna umhverfisáhrifa Sundabrautar og fyrirhugaðar aðalskipulagsbreytingar.