Fréttir

Runólfur Ólafsson, framkvæmdastjóri Félags íslenskra bifreiðaeigenda, FÍB, segir það hafa aukist undanfarið að tryggingafélög sæki á nýja bílaeigendur vegna skulda fyrri eiganda. Óformlegt samkomulag hafi verið gert árið 2020 en það sé ekki virt lengur. Þetta kom fram í máli Runólfs í samtali við fréttastofu ríkissjónvarpsins.

Um síðustu áramót voru samþykkt lög um kílómetragjald sem kveða á um að af bíl sem knúinn er rafmagni eða vetni verði greitt kílómetragjald að fjárhæð sex krónur fyrir hvern ekinn kílómetra, en kílómetragjald af tengilbifreið verður tvær krónur á kílómetra. Á sama tíma voru felldar úr gildi skattaívilnanir vegna rafbíla. Það sem af er árinu hefur nýskráningum fólksbíla fallið um helming og þá alveg sérstaklega í rafbílum.

Sigurður Ingi Jóhannsson, fjármálaráðherra, segir að það sé ofsögum sagt að breytingar á ívilnunum í kaupum á rafbílum um síðustu áramót sé ástæðan fyrir minnkandi nýskráningum fólksbíla það sem af er árinu. Þetta var meðal þess sem fram kom í viðtali við ráðherrann í Reykjavík síðdegis á Bylgjunni.

Í gær sagði fréttastofa RÚV frá því að fólk sem hafði keypti bíl í febrúar hefði verið krafið um greiðslu rúmlega 300 þúsund króna tryggingaskuldar. Fyrri eigandi greiddi ekki tryggingar af bílnum og því átti að ganga á nýju eigendurna sem voru alls grunlausir um skuldina. Fólkið keypti sér Ford Explorer í febrúar og áttu þau ekki von á að fá innheimtubréf nokkrum mánuðum síðar upp á rúmar 300 þúsund krónur.

Cybertruck frá Tesla verður til sýnis á völdum stöðum í Evrópu á næstu vikum, og er hér um að ræða Cyber Odyssey ferðalagið. Á Íslandi verður Cybertruck frumsýndur í Tesla, Vatnagörðum 24 frá 28. júní til 30. júní.Upplýsingar um viðkomustaði Cyber Oddyssey ferðalagsins eru aðgengilegar hér.

Tímamót í orkuskiptum urðu í gær þegar fimm fyrirtæki skrifuðu undir yfirlýsingu um að kaupa stóra vöruflutningabíla sem knúnir verða með vetni. Þeir fyrstu verða afhentir að ári.

Vegna vinnu við ný undirgöng undir Breiðholtsbraut við Suðurfell / Jaðarsel verður umferð bíla færð á hjáleið til hliðar við framkvæmdasvæðið. Umferð gangandi færist á hjáleið um gatnamót Breiðholtsbrautar og Jaðarsels.

Breytt gjaldtaka af bílum er meðal þess sem boðað er í fjármálaáætlun 2025 til 2029. Bíleigendur geta gengið að því nokkuð vísu að þurfa að greiða kílómetragjald frá og með næsta ári, óháð því hvers konar bíl þeir nota.

Bandaríski bílaframleiðandinn Tesla á ekki sjö dagana sæla um þessar mundir. Um helgina tilkynnti fyrirtækið um uppsagnir á 14 þúsund starfsmönnum vegna erfiðleika í rekstri. Í gær þurfti svo Tesla að innkalla 4.000 Tesla Cybertruck pallbílana sem komu á markað í fyrrahaust.

Nýskráningum í fólksbílum hefur á síðustu vikum verið að fara upp á við. Enn er þó töluvert í land að bílasalan verði með svipuðum hætti og á sama tíma á síðasta ári. Fjöldi nýskráninga eru orðnar 2.171 en voru á sama tíma í fyrra 4.296 samkvæmt tölum frá Bílgreinasambandinu.